Kvika eignastýring hefur auglýst fjórar stöður lausar til umsóknar. Um er að ræða áhættustjóra, fjárfestingastjóra á framtakssjóðasviði og sérfræðinga í sjóðastýringu og á fjármála- og rekstrarsviði.
Kvika eignastýring er leiðandi í eigna- og sjóðastýringu á Íslandi þar sem áherslan er lögð á langtímahugsun og árangur viðskiptavina. Hjá Kviku eignastýringu starfa 30 manns í metnaðarfullu, drífandi og jákvæðu umhverfi.
Ef þú ert metnaðarfullur og framsækinn einstaklingur og vilt láta gott af þér leiða þá höfum við áhuga á að fá þig til liðs við okkur og taka þátt í þeirri vegferð sem framundan er.
Nánari upplýsingar um störfin má sjá hér að neðan en allar umsóknir fara í gegnum Alfreð.is.
Fjárfestingastjóri - Framtakssjóðasvið |
Við leitum eftir reynslumiklum fjárfestingarstjóra í framtakssjóðateymi félagsins. Viðkomandi mun taka þátt í að fjárfesta fyrir hönd framtakssjóðanna, bera ábyrgð á að afla og greina fjárfestingartækifæri, leiða samningaviðræður og fylgja eftir fjárfestingum. Viðkomandi þarf að búa yfir góðri samskiptafærni, geta stýrt fundum, flutt kynningar, vera sjálfstæður, lausnamiðaður og sýna frumkvæði. |
Áhættustjóri |
Við leitum eftir metnaðarfullum starfsmanni í starf áhættustjóra félagsins. Viðkomandi þarf að búa yfir góðri samskiptafærni, sjálfstæði í starfi, nákvæmni og skipulagshæfni. Starfið heyrir undir framkvæmdastjóra félagsins. |
Sérfræðingur á fjármála- og rekstrarsvið |
Við leitum eftir öflugum, jákvæðum og úrræðagóðum einstaklingi í hóp sérfræðinga á fjármála- og rekstrarsviði félagsins. Viðkomandi þarf að hafa mjög góða greiningarhæfni, búa yfir metnaði og vilja til að takast á við krefjandi og fjölbreytt verkefni. |
Sérfræðingur í sjóðastýringu |
Við leitum eftir öflugum, jákvæðum og úrræðagóðum einstaklingi til þess að starfa sem sérfræðingur á sjóðastýringarsviði félagsins. Viðkomandi þarf að hafa mjög góða greiningarhæfni, hæfni í framsetningu gagna, búa yfir metnaði og vilja til að takast á við krefjandi og fjölbreytt verkefni. |
Áhugasömum er bent á að sækja um á Alfreð.is.
Nánari upplýsingar veitir Þórunn Auðunsdóttir, mannauðsstjóri Kviku. Umsóknarfrestur er til og með 21. febrúar.