Árshlutareikningur Kviku eignastýringar 30. júní 2021

miðvikudagur 29. september 2021

Kvika eignastýring hefur birt árshlutareikning fyrir tímabilið 1. janúar til 30. júní 2021.

Helstu niðurstöður árshlutareikningsins eru þessar:

  • Hagnaður félagsins var 525 milljónir króna.
  • Hreinar rekstrartekjur námu 1.592 milljónum króna
  • Í lok júní voru samtals 39 sjóðir í rekstri hjá félaginu sem og 8 samlagshlutafélög og eitt samlagsfélag.
  • Eignir í stýringu í lok júní voru 432 milljarðar króna og jukust um 71 milljarð króna á tímabilinu (361 milljaður króna í lok árs 2020).

Hannes Frímann Hrólfsson, framkvæmdastjóri Kviku eignastýringar:

„Árið hefur farið vel af stað hjá okkur í Kviku eignastýringu. Góður gangur og mikil aukning í eignum í stýringu síðan um áramót skýrist einkum af innri vexti. Þar ber helst að nefna fjármögnun og stofnun nýs framtakssjóðs sem ber heitið Iðunn framtakssjóður slhf. Sjóðurinn leggur áherslu á fjárfestingar á sviði lífvísinda og heilsutækni og hefur nú þegar lokið við tvær fjárfestingar. Auk þess hefur verið mikil aukning viðskiptavina í einkabankaþjónustu og aðra sjóði félagsins. Ávöxtun safna hefur verið góð á tímabilinu og framundan eru spennandi tímar á fjármálamarkaði og í rekstri félagsins.“

Árshlutareikningur 2021