Stjórn Kviku eignastýringar hf. er skipuð þremur aðalmönnum; Hrönn Sveinsdóttur, stjórnarformanni, Óttari Má Ingvasyni og Andra Vilhjálmi Sigurðssyni. Varamenn stjórnar eru tveir; Andrea Olsen og Ólafur Páll Vignisson.
|
Hrönn Sveinsdóttir
Stjórnarformaður
Hrönn er sjálfstætt starfandi sem stofnandi, meðeigandi og stjórnarmaður í Smart finance ehf. og meðeigandi í Íslandskrónu ehf. Hrönn hefur hátt í 30 ára stjórnunarreynslu þar sem hún gegndi starfi framkvæmdastjóra fjármála- og rekstrarsviðs hjá Sýn hf. á árunum 2005 – 2019. Þar áður gegndi hún sama starfi hjá P. Samúelssyni sem framkvæmdastjóri fjármálasviðs frá 1992-2005 ásamt því að bera ábyrgð á mannauðsstjórnun félagsins. Hrönn hefur setið í stjórnum fjölmargra félaga nú síðast sem aðalmaður í stjórn Kviku banka 2017 -2021 þar sem hún sat einnig í endurskoðunarnefnd og síðastliðið ár sem formaður. Hrönn lauk Cand. Oecon próf í viðskiptafræði af endurskoðunarsviði frá Háskóla Íslands árið 1992.
Hrönn tók sæti í stjórn Kviku eignastýringar árið 2021 og telst vera óháður stjórnarmaður.
|
Óttar Már Ingvason
Varaformaður
Óttar starfar sem rekstrarstjóri Newfound Resources Ltd. í Kanada og hefur jafnframt verið ráðgjafi fyrir AVS rannsóknarsjóð síðan 2005. Óttar hefur einnig víðtæka stjórnunarreynslu sem stjórnandi og stjórnarmaður. Óttar er með B.Sc. honours í sjávarútvegsfræðum frá Háskólanum á Akureyri með áherslu á fjármál, vélfræðingur, með sveinspróf í vélvirkjun og hefur lokið skipstjórnarprófi fyrir alþjóðleg réttindi á öll skip með ótakmörkuðu farsviði. Óttar hefur jafnframt lokið prófi til löggildingar fasteigna- og skipasala og hefur lokið prófi í verðbréfaviðskiptum.
Óttar hefur setið í stjórn Kviku eignastýringar frá 2009, þar af sem formaður stjórnar á árunum 2011-2018. Óttar er flokkaður sem óháður stjórnarmaður.
|
Andri Vilhjálmur Sigurðsson
Stjórnarmaður
Andri starfar sem eigandi hjá Lögmönnum Lækjargötu en hann gekk til liðs við stofuna árið 2013. Andri hefur starfað sem lögfræðingur í fjármálafyrirtækjum hér á landi og erlendis í fjölda ára. Í störfum sínum sem lögmaður hefur Andri einkum sinnt lögfræðilegri ráðgjöf fyrir fyrirtæki, fjárfesta og ýmsa fagfjárfestasjóði. Þá hefur Andri komið að stofnun, rekstri og stjórnun rekstrarfélaga verðbréfasjóða. Andri lauk prófi frá Lagadeild Háskóla Íslands árið 1998.
Andri tók sæti í stjórn Kviku eignastýringar árið 2020. Andri er flokkaður sem óháður stjórnarmaður.
|
Starfsnefnd stjórnar
Stjórn Kviku eignastýringar hefur skipað starfsnefnd sem sinnir hlutverki áhættu- og endurskoðunarnefndar fyrir félagið og starfar skv. íslenskum lögum og reglum og góðum stjórnarháttum. Nefndin er skipuð af stjórn í samræmi við 78. gr. laga nr. 161/2002 um fjármálafyrirtæki og IX. kafla A laga nr. 3/2006 um ársreikninga. Starfsnefndinni er ætlað að sinna ráðgjafar- og eftirlitshlutverki fyrir stjórn Kviku eignastýringar, m.a. vegna mótunar áhættustefnu og áhættuvilja, og leitast við að tryggja gæði ársreikninga og annarra fjármálaupplýsinga og óhæði endurskoðunar félagsins að teknu tilliti til 1. mgr. 99. gr. laga nr. 3/2006 um ársreikninga. Nefndin hefur eftirlit með vinnuferli við gerð reikningsskila, áhættugreiningu, viðbrögðum við áhættu, virkni innra eftirlits auk innri og ytri endurskoðunar. Nefndin hefur einnig ráðgjafar- og eftirlitshlutverk fyrir stjórn félagsins vegna mótunar áhættustefnu og áhættuvilja félagsins.
Starfsnefnd Kviku eignastýringar skipa Andri Vilhjálmur Sigurðsson, formaður starfsnefndar, Hrönn Sveinsdóttir, Margrét Flóvenz og Óttar Már Ingvason.
Starfsreglur starfsnefndar stjórnar